فعال ملک عاصم وايي د ښځو د حقونو لپاره کار کول له ننګونو ډک دی
دا اونۍ مو په "مشال مرکه" کې د ښځو او بشري حقونو فعال ملک عاصم مېلمه کړی دی. نوموړي په ۱۹۹۰مه سيزه کې صحافت کاوه خو وروسته يې د بشري حقونو د فعال په توګه کار پيل کړ. هغه له تېرو دوو لسيزو راهيسي د ښځو د حقونو لپاره کارکوونکي غيرسرکاري ادارې "عورت فاونډېشن" سره کار کوي. عورت فاونډېشن له تېرو ۴۰ کلونو راهيسې په پاکستان کې د ښځو د حقونو لپاره کار کوي. ملک عاصم وايي، په پاکستان کې د تېرو وختونو پرتله د ښځو د حقونو په اړه بېداري زياته شوې ده او اوس خلک په دې اړه خبرې هم کوي. د ده په خبره د ښځو د حقونو په اړه قوانين موجود دي خو عمل نه ورباندې کېږي. بشپړه مرکه واورئ.
