Canada: Fleire tusen evakuerte på grunn av skogbrann
0
Det er meir enn 175 skogbrannar i provinsen Alberta, opplyste Alberta Wildfire i går kveld. Provinsen har sendt ut naudvarsel.
Jasper nasjonalpark, vest i Canada, blei evakuert seint måndag kveld. Nasjonalparken er den største i den kanadiske delen av fjellkjeda Rocky Mountains.
Meir enn 10.000 menneske er evakuerte frå heimane sine på grunn av brannane og kring 15.000 besøkande turistar måtte evakuera frå nasjonalparken, skriv CBC News.
Det er store øydeleggingar i byen Jasper som følge av brannen.