Starmer fordømmer valdelege protestar
0
Storbritannias statsminister Keir Starmer fordømmer dei valdelege protestane som har vore i landet dei siste dagane, og seier at det ikkje finst ei unnskyldning for å bruke vald, melder AFP.
– Regjeringa støttar politiet i at dei kan bruke alle naudsynte verkemiddel for å halde gatene våre trygge, sa Starmer.
Laurdag har det vore demonstrasjonar og valdelege samanstøyt i fleire britiske byar.
Politiet meiner det er høgreekstreme og antirasistar som har barka saman.
Protestane kjem i kjølvatnet av knivangrepet i Southport denne veka, der tre barn blei drepne og fleire såra.