Fire personar henta ut i live frå samanrast hotell

Minst fire personar er henta ut i live frå det delvis samanraste hotellet i Kröv i Tyskland, opplyser politiet.

Ein person har omkomme etter kollapsen.

Arbeidet på ulukkesstaden skal vere svært krevjande.

Ved 23-tida tysdag kveld fall ein takgavl på hotellet ned, slik at to etasjar kollapsa på den eine sida av bygget.

Det var 14 personar i hotellet då hendinga skjedde. Fem av dei kom seg ut på eiga hand.