FBI: Blanda ideologiar hjå mistenkt i Trump-attentatet
Mannen som er mistenkt for å ha skote Donald Trump tidleg i juli, verka ikkje høgre- eller venstrevridd, seier ein tenesteperson i FBI.
Ifølgje kjelda skal han ha vist eit blanda sett av ideologiar. Det melder nyheitsbyrået Reuters.
Dermed er det ikkje klart kva som var motivet til skyttaren.
Det var under eit valkampmøte i Pennsylvania den republikanske presidentkandidaten vart skoten i øret. FBI mistenkjer at det er Thomas Crooks står bak attentatet på Trump. Crooks vart skoten og drepen av politiet på staden.
FBI har tidlegare uttala at dei har funne hans sosiale medium.
– Innhaldet i nokre av desse kommentarane er antisemittisk og hatefullt mot innvandrarar, forsvarer politisk vald og vert beskriven som ekstremt, sa visedirektør i FBI Paul Abbate, då han vitna i Senatet.