Кыргызстанда эгемендик күнүн утурлай 100 объекттин ачылышы болду. Анын теңине жакыны өндүрүш ишканалары жана калганы социалдык жайлар. Президент Садыр Жапаров Кемин районунда “Терек-Таш” клинкер чыгаруу заводунун жана Ысык-Ата районунда цемент заводдун ачылышында старт берип, муну соңку жылдардагы экономикалык саясаттын жемиши катары баалады. Ошол эле маалда экономикада эске ала турган жагдайлар бар экенин айткандар да бар.
