Auka erstatningskrav i Frostating

Ankesaka mot ein mann i 40-åra frå Sunnmøre blei nyleg behandla i Frostating lagmannsrett.

I vår blei han dømt til fengsel i to år og åtte månader for seksuell omgang med eit barn under 14 år. Han blei også dømt til å betale 275.000 kroner i erstatning for forholda som skulle ha skjedd for 20 år sidan.

Mannen nekta straffeskuld og anka saka til Frostating, som no har kome med sin konklusjon.

Dei har dømt mannen til fengsel i to år og fire månader, i tillegg til ei oppreisingserstatning på 200.000 kroner.

I tingretten blei mannen frikjent for kravet om erstatning for økonomisk tap. Lagmannsretten vurderte derimot saka annleis og har dømt han til å betale 1.544.000 kroner i erstatning for økonomiske tap.

I tillegg må han også betale 650.000 kroner i mènererstatning. Dette er ei personleg erstatning for ein konkret fysisk eller psykisk varig skade eller sjukdom.