لندن مېشتی سافټوېير انجینر حنیف الرحمن وايي چې ښايې په راتلونکو څو میاشتو کې به د هغه سافټوېير لومړۍ بڼه په رسمي توګه کار پیل کړي ورسره به پښتانه له کمپیوټر یا موبایل ټېلېفون سره په پښتو خبرې وکړای شي. هغه ډول سافټوېیرونه وار له مخه د نړۍ په ګڼو ژبو کې شته چې په مرسته یې خلک په اسانۍ په کمپیوټر یا موبایل ټېلېفون بېلابېل کارونه کولای شي. رحمن زیاتوي چې اوسمهال ورسره شاوخوا ۱،۰۰۰ کسانو په پروژه کې د رضاکارانو په توګه مرسته کړې او سافټوېیر ته یې د پښتو ژبې ۸۰ ساعته غږونه (ږغونه) پورته کړي دي. له نوموړي سره ویډیويي مرکه وګورئ.
