Сузак-Кара-Дарыя багытындагы 5 чакырымдан ашуун жол кеңейтилип, 100дөн арбын үй жана 90дой коммерциялык имарат жылдырылып жатат. Жергиликтүү тургундар негизинен Сузак айылынын аралап өткөн жолду кеңейтүү үчүн мурда колдонуп келген жерлерин бергени менен бузулган имараттары үчүн кенемте каралбай калганына нааразы. Сузак айыл аймагынын жетекчилиги айрым үйлөр кызыл чектен чыгып кеткенин белгилеп, өтө муктаждарга гана акчалай жардам берилерин “Азаттыкка” айтты.
