Ош облусунун Алай районунун Чоң-Каракол айылындагы тургундар көмүр казуу үчүн келген компаниянын техникасын чыгарып кетүүнү талап кылууда. Буга чейин Башкы прокуратура көмүр кенине баруу үчүн мыйзамсыз жол салынганын, натыйжада 9 миң метр кубдан көп мөңгү талкаланганын билдирип, кылмыш ишин козгогон. Өткөн аптада “Кыргызкөмүр" ишканасынын эки жетекчиси кызматтан алынды. Чоң-Каракол айлына барып келген кабарчыбыз Даткабек Шабданбек уулу соңку жагдай тууралуу айтып берет.
