Klimaorganisasjonar åtvarar mot lobbyisme frå fossilindustrien

På klimamøtet i Aserbajdsjan deltek minst 1 773 lobbyistar frå kol-, olje- og gasselskap. Dette utgjer fleire enn nesten alle nasjonale delegasjonar som deltek på møtet. Til dømes har ExxonMobil, eit av verdas største oljeselskap, sendt 12 representantar. Det er like mange som Guyana, eit land som er sterkt råka av klimaendringar som flaum, tørke og stigande havnivå.

Frå Noreg er Equinor representert. Det meiner Spire avsporar frå behovet for faktisk utslettkutt.

– Dei jobbar hardt for å framheve usikker, ny teknologi som løysninga på klimakrisa, i staden for reelle utsleppskutt. Med regjeringa i ryggen bidrar dei til å svekkje verdas klimaambisjonar, seier Adam Reiremo Granberg.

Gjennomgangen er gjort av Kick Big Polluters Out, ein global koalisjon som jobbar for å hindre at store forureinarar, frå kol, olje- og gasselskap, påverkar internasjonal klimapolitikk.

Kathy Mulvey, ein ekspert frå Climate and Energy Program, åtvarar mot påverknaden frå fossilindustrien.

– Fossile selskap og deira støttespelarar bør ikkje få ein plass ved forhandlingsbordet der klimapolitikk blir forma ut.

Ho meiner at selskapa forsøker å forsinke overgangen til rein energi og samstundes sikre seg offentlege midlar til teknologiar som ikkje bidreg nok til å nå klimamåla.