Казанда хатын-кыз ялган полиция хезмәткәренә 4 миллион сум күчергән
Казанда яшәүче хатын-кыз акчаларын саклап калыр өчен ялган полиция хезмәткәрләренә дүрт миллион сумнан артык акча күчергән.
Ачыкланганча, хатын-кызга мессенджерларның берсендә янәсе элеккеге җитәкчесеннән хәбәр килгән. Ул аңа билгесез затлар фирма хезмәткәрләренең шәхси мәгълүматларын белгән, дип сөйләгән.
Күпмедер вакыт узгач, хатын-кыз белән «хокук саклау органнары хезмәткәре» элемтәгә кергән һәм акчаларны саклап калу өчен «куркынычсыз хисапка» күчерергә кирәк, дип хәбәр иткән.
Нәтиҗәдә хатын-кыз дүрт миллион сумнан артык гомуми суммага акча күчергән.
Алданган хатын бары тик вакыт узгач кына мошенниклар корбаны булуын аңлаган һәм полициягә мөрәҗәгать иткән.
«Мошенниклык» маддәсе буенча җинаять эше кузгатылган.