Британияда мурдагы жоокер купуя маалыматты Иранга бергени үчүн айыпталды

Британ армиясынын мурдагы жоокери купуя маалыматтарды Ирандын чалгын кызматына өткөрүп бергени үчүн айыптуу деп табылды. Прокурорлор 23 жаштагы Даниел Абед Халифе Иранга көп сандагы жашыруун жана чектелген сандагы киши тааныша алат деген документтерди, анын ичинен атайын күчтөрдүн өкүлдөрүнүн ысымдары камтылган материалдарды Иранга бергенден кийин Британиянын кош агенти болом деп оюн жүргүзгөнүн айтышат.


Анын өкүмү 28-ноябрда Лондондогу Вулвич сотунда чыкты.


Прокурор Марк Хейвуд соттун башында айтканына караганда, Халифе 2019-жылдын майы айынан 2022-жылдын январына чейин купуя маалыматтарды чогултуп жүргөн.


Ага кас өлкө үчүн пайдалуу болушу мүмкүн маалыматты чогултуу, террорчулук максатта колдонулушу ыктымал маалыматка ээ болуу айыбы тагылды.


Айып тагылгандан кийин армиядан кетирилген Халифе аскердик казармага жасалма бомба койгон деп күнөөлөнгөн. Бирок сот аны бомба тууралуу жалган маалымат тараткан деген айыптан бошотту.


Халифе 2023-жылы сентябрь айында сот процессин күтүп жатканда Лондондогу түрмөдөн качып чыгып, үч күндөн кийин колго түшүрүлгөн.