Опумбаев сотко келди, Султанбеков менен Исаев камакта калды
УКМКнын мурдагы төрагасы Орозбек Опумбаев Кой-Таш окуясы боюнча сотко келди. Ал 2020-жылдагы Октябрь окуясында бийлик алмашкандан бери коомчулукка чыга элек болчу. Бишкек шаардык соту Социал-демократтар партиясынын лидери Темирлан Султанбековду жана партиянын мүчөлөрү - Ирина Карамушкина менен Роза Түрксеверди камакта калтырды. Султанбеков 19 күндөн бери ачкачылык кармоодо. Грузияда нааразылык акциялардын төртүнчү түнү уруп-сабоолор менен коштолду. Ички иштер министрлиги митинг башталгандан бери 200дөн ашык адам кармалганын билдирди.
