Кыргызстанда майыптыгы бар адамдар көп учурда укуктары сакталбай, коомго аралашуу үчүн жетиштүү шарттар түзүлбөй калганына даттанышат. Кыргыз бийлиги майыптыгы бар адамдарга кам көрүү жакшырарын, жакынкы жылдары алар үчүн социалдык стационардык мекемелерди жаңылоо боюнча иш-мерчемдери бардыгын билдирди. "Азаттык" тоодой тоскоолдуктарга карабай коомдук иштерге активдүү аралашып, майыптыгы барлардын көйгөйүн көтөрүп, жакында эле айылдык кеңешке депутат болгон 22 жаштагы Меңдайым Сүйүнбай кызы тууралуу баяндайт.
