Endrar utlendingslova på grunn av nye EU-reglar

Det skal bli enklare å vise ut utlendingar som er ulovleg i Noreg, skriv regjeringa i ei pressemelding.

Endringa av utlendingslova skjer som følge av nye EU-reglar.

– Lovforslaget vil skape klarleik i regelverket, slik at politiet kan sørge for effektiv uttransportering av personar som ikkje skal opphalde seg i landet, seier justisminister Emilie Enger Mehl (Sp).

Endringane, som Noreg allereie er bundne av, vil seie at Schengen-landa må registrere utlendingar som har plikt til å forlate Schengen- og EU-området, og utlendingar som er nekta innreise og opphald.