Депутат өкмөттү Бишкекти каптаган ыш боюнча отчет берүүгө чакырды
“Бишкекте экологияны жакшыртуу үчүн 50 млн доллар насыя, грант алдык. Бирок өпкөбүз ышка толду. Бир нерсе кылыш керек да. Бизде план, программа, концепция бар. Бирок анын баары эмне үчүн иштебейт. Ушул боюнча отчет берип койсоңор”, - деди ал.
Бишкек соңку жылдары айрыкча суук түшкөндө дүйнөдөгү абасы булганган жана эң кир шаарлардын сап башынан түшпөй келет. Кыш мезгилинде борбор калаадагы абанын булганышы Дүйнөлүк саламаттык сактоо уюму сунуштаган абанын сапаты боюнча нормадан дээрлик 30 эсеге жогору болот.
Дүйнөдөгү абанын сапатын иликтеген IQAir сайтынын 11-декабрдагы индексинде Бишкек деген көрсөткүч менен биринчи сапка чыккан.
Абаны негизинен жер тамдарда жагылган от, Жылуулук электр борборунун (ЖЭБ) түтүнү, шаардын тегерегиндеги башаламан курулуштар, автоунаалар булгай турганы айтылып келет. (BTo)