Brann i næringsbygg på Jørpeland
0
Brannvesenet har fått melding om brann i eit næringsbygg på Jørpeland.
Tilsette evakuerte seg sjølv, skriv politiet. Ein tilsett blei utsett for røykeksponering.
Vaktleiar Christer Gilbert i brannvesenet seier at dei først fekk melding om brann i eit ventilasjonsanlegg.
–Då vi kom til staden starta vi røykdykkarinnsats og byrja å kontrollere ventilasjonen. Vi held framleis på på staden, seier Gilbert.
– Det verkar for meg som at dei har kontroll og ikkje nokon opne flammar no. Dei prøver å inspisere andre delar av ventilasjonen, held han fram.