Токтогул суу сактагычында 11 млрд 641 млн метр куб суу бар

23-декабрга карата Токтогул суу сактагычындагы суунун көлөмү 11 млрд 641 млн метр кубду түздү. Бул күнү суу сактагычка секундасына 183 метр куб суу кирсе, иштетилген суунун көлөмү секундасына 777 метр куб болууда.


"Электр станциялары" ишканасынын маалыматына караганда, акыркы эки жумада суу сактагычтын суусу 756,2 млн метр кубга азайды.



Былтыр 23-декабрда суу чөйчөктө 10 млрд 663 млн метр куб суу болгон.


Энергетика министрлиги декабрь айынын башында электр энергиясын колдонуу тарыхый чекке жеткенин билдирип, элди сарамжалдуу пайдаланууга чакырган.



Ага ылайык, 12-декабрь күнү 3 612 мегаватт электр энергиясы сарпталды, суткалык керектөө 78,931 млн кВт саатка жеткен. Ошол күнү Токтогул суу сактагычында да секундасына 932 метр куб суу иштетилип, эң жогорку чек болгон.(ZKo)