Бир жылда Өзбекстандын 500дөн ашуун жараны АКШдан депортацияланды
2022-2023-жылдар аралыгында Өзбекстандын 88 жараны мекенине күчтөп кайтарылган.
Быйыл жайында Калифорния штатынын Чек ара кызматына Орусия, Грузия, Молдова, Кыргызстан, Тажикстан, Өзбекстандан барган мыйзамсыз мигранттарды кармалары менен депортациялоо көрсөтмөсү берилген. Бул чечим Кошмо Штаттардын миграциялык саясатын катаалдаштыруу жана депортация жараянын тездетүү максатында кабыл алынган.
Буга чейин 2023-жылдын октябрь айынан 2024-жылдын июнь айына чейин АКШнын түштүк чек арасынан 57 200 мигрант мыйзамсыз өткөнү, алардын 2900дөйү Өзбекстандын жарандары экени кабарланган.
АКШнын түштүк чек арасы аркылуу ал жакка кирген кыргызстандыктардын да саны соңку жылдары өсүүдө. Иммиграция жана бажы кызматынын баяндамасында алардын так саны жазылган эмес.