د دې اونۍ د "هارون باچا هنري ګړۍ" خپرونې مېلمه پېښور مېشتی سندرغاړی سلطان شاه دی. نوموړی وايي، پلرنی ټاټوبی يې کورمه دی خو کورنۍ يې موده کېږي چې پېښور ته کډه شوې ده. د ده په خبره، نيکه او وروسته يې پلار هم موسيقي کړې او همدا لامل وو چې دی د پښتو موسيقۍ ميدان ته ووت او اولنۍ سندره يې په ۲۰۰۶ز کال کې ثبت او خپره کړه. شاه زياتوي چې اوسمهال د يوه سندرغاړي لپاره ډېره اړينه ده چې د ټولنيزو شبکو پر کارولو پوه وي او له هم هغې لارې خپلې سندرې خلکو ته ورسوي. د سلطان شاه دا خبرې او ځينې سندرې يې په خپرونه کې اورېدای شئ.
