ESA vurderer å opne sak etter tildeling av Sørlandsbanen

Eftas overvakingsorgan ESA vurderer å opne sak mot Noreg etter at Jernbanedirektoratet i oktober i fjor tildelte Sørlandsbanen til Vy og vraka Go-Ahead.

Det skriv Aftenposten.

Britiske Go-Ahead har drifta Sørlandsbanen sidan 2019, ein avtale som går ut i desember 2027. I oktober i fjor bestemde Jernbanedirektoratet, på oppdrag frå Samferdselsdepartementet, at Vy skal ta over togstrekninga mellombels frå 2027 og i inntil fem år.

ESA meiner direktetildelinga er ulovleg, men Samferdselsdepartementet står fast på at det er i tråd med regelverket.

Departementet argumenterer med at dei har behov for å vurdere og omstrukturere alle jernbanepakkane samla. I dag driftar SJ tilbodet i nord, Vy i vest og Go-Ahead i sør. Avtalane med SJ og Vy går ut i 2028 og 2029.

Departementet har frist for å komme med svar 29. mai.

(NTB)