کراچۍ کې مېشت افغان کډوال وايي پولیس یې ځوروي
په کراچۍ کې مېشت یو شمېر افغان کډوال وايي حکومت ورته د پاکستان د پرېښودلو امر کړی او پولیس ورباندې وخت په وخت چاپې وهي. دوی وايي دغلته په کراچۍ ښار کې یې کورونه اخیستې دي او کاروبارونه لري چې د دوی په وینا دومره زر یې واپس نه شي خرڅولی نو د پاکستان حکومت دې ورته وخت ورکړي.
د پاکستان د قبایلي او سرحدي چارو یا سیفران وزیر امیر مقام د مې پر ۱۳مه مشال راډیو ته په یوه ځانګړې مرکه کې ویلي وو چې لومړی ناقانونه افغان کډوال او ورپسې به افغان سټیزن کارت لرونکي ویستل کېږي او هغه کډوال چې پي او ار کارتونه لري، که څه هم د جون ۳۰مه ورته وروستۍ نېټه ټاکل شوې ده خو کېدی شي بدلون پکې راوستل شي. د مشال خبریال راپور لري