Fleire heilt arbeidsledige i mai
0
Det er 59.600 personar som er registrert som heilt arbeidsledige hos Nav ved utgangen av i mai, som er ein auke på 2300 personar, melder Nav i ei pressemelding.
Dei utgjer 2 prosent av arbeidsstyrken.
– Talet på heilt arbeidsledige auka i mai for alle yrkesgrupper og i alle fylke, seier arbeids- og velferdsdirektør Hans Christian Holte.
Han legg til at arbeidsløysa framleis er på eit lågt nivå, og at det blir lyst ut mange ledige jobbar.
Summen av heilt ledige og arbeidssøkarar på tiltak var 74.800 personar ved utgangen av mai, som er 2,5 prosent av arbeidsstyrken.
I tillegg er 23.200 personar registrert som delvis ledige, som gjer at totalt 98.100 personar er registrert som arbeidssøkarar hos Nav, som er 3,3 prosent av arbeidsstyrken.