Har sendt ut arrestordre på tyrkiske opposisjonspolitikarar

Tyrkiske styresmakter har beordra arrestasjon av fleire medlemmar av opposisjonspartiet CHP, melder Reuters.

Ordføraren i Istanbul, Ekrem Imamoglu, blei arrestert i mars, skulda for korrupsjon, medlemskap i terrororganisasjon og for å ha fornærma president Recep Tayyip Erdogan.

Han nektar straffskuld, og seier at det ikkje finst bevis mot han.

Imamoglu blir rekna som den fremste konkurrenten til Erdogan i presidentvalet i 2028.

Arrestasjonen har ført til demonstrasjonar og økonomisk uro i Tyrkia.

Fleire meiningsmålingar viser at populariteten til Imamoglu har stige etter at han blei arrestert.

Fleire vestlege land, menneskerettsgrupper og CHP kallar prosessen mot Imamoglu og paritet for antidemokratisk og eit forsøk på å knuse opposisjonen i Tyrkia.