Geert Wilders veltar regjeringa i Nederland
0
Partiet til den ytre høgre-leiaren Geert Wilders, PVV, går ut av regjeringskoalisjonen i Nederland, melder den nederlandske kringkastaren NOS, og veltar med det regjeringa.
Wilders seier at dei forlèt koalisjonen fordi dei ikkje har fått gjennomslag i asylpolitikken.
Partia sat i krisemøte måndag kveld. Der kravde PVV strengare asyltiltak i Nederland.
Dei andre partia i koalisjonen kallar handlinga uforståeleg og uansvarleg av Wilders.
PVV vann valet i Nederland i 2023, men den nye regjeringskoalisjonen, beståande av det høgreliberale VVD, antikorrupsjonspartiet NSC og bondepartiet BBB, blei klar først i fjor sommar, nesten eitt år etter valet.