АКШнын Лос-Анжелес шаарында мыйзамсыз мигранттарды жапырт кармоого каршы тутанган нааразылык акциялары уланууда. Шаарга улуттук гвардиянын бөлүктөрү жана деңиз күчтөрүнүн жөө аскерлери киргизилди. Калифорния штатынын бийлиги муну мыйзамсыз деп атап, Дональд Трамптын администрациясын сотко берди. Ал эми Ак үй аскерлерди жөнөтүүнү коопсуздукту камсыздоо жана мамлекеттик имараттар менен кызматкерлерди кайтаруу зарылдыгы менен түшүндүрдү. Нааразылык өткөн бешинчи күнү шаардын негизинен иммигранттар байырлаган районунда тутанган.
