Medium i fleire land ber journalistar få tilgang til Gaza

Medium i 27 land har skrive under eit opprop der dei ber Israel om å la utanlandske journalistar få tilgang til Gaza, og at journalistar i Gaza blir beskytta.

– Journalistar og medarbeidarar spelar ei viktig rolle i å rette søkelyset mot den grufulle verkelegheita i krigen. Tilgang til konfliktsoner er avgjerande for å utføre denne rolla, skriv landa i koalisjonen Media Freedom Coalition (MFC).

Dei fordømmer også målretta angrep mot journalistar, og krev at slike angrep blir etterforska.

MFC blei etablert i 2019, og jobbar for pressefridom og sikkerheit for journalistar.