“Журналисттерди коргоо комитети” 2025-жылдагы Эл аралык басма сөз эркиндиги сыйлыгын иликтөөчү журналист Болот Темировго ыйгарды. Абройлуу сыйлык быйыл Кытай, Эквадор, Кыргызстан жана Тунис өлкөлөрүнөн чыккан каарман журналисттерге берилди. Temirov Live долбоорунун негиздөөчүсү, өлкөдөн күч менен чыгарылган Болот Темиров журналисттик ишин токтотпой уланта берерин, аны алдыга жетелеген ой-максаттары тууралуу "Азаттыктын" казак кызматы менен болгон маегинде айтты.
