Utdanningsgjeld kan bli sletta i 189 kommunar

Frå januar 2026 vil personar busett i dei 189 minst sentrale kommunane kunne får sletta 25.000 kroner utdanningsgjeld årleg, opplyser regjeringa i ei pressemelding.

I tillegg til dette blir beløpet til personar med studielån i innsatssona Finnmark og Nord-Troms dobla.

– No får vi eit heilt nytt verktøy for å sikre tilgang på kompetanse i heile landet, seier forskings- og høgare utdanningsminister Sigrun Aasland (Ap) i pressemeldinga.