Grasbrann ute av kontroll i Luster – rekvirert helikopter
0
Ein grasbrann skal vere ute av kontroll mellom Feigom og Kroken i Luster.
– Brannen spreier seg relativt raskt. Helikopterstøtte er rekvirert sidan det er lite vatn og vanskeleg tilkomst med store bilar i området, skriv vaktleiar Jostein Steinsland-Hauge ved Vest 110-sentral i ei melding til pressa.
– Skal vere eit bål som er kome ut av kontroll, og som spreier seg fort i terrenget, seier operasjonsleiar Knut Dahl-Michelsen ved Vest politidistrikt.
Det er fare for spreiing til ein driftsbygning og politiet opplyser at det er krevjande å få fram ressursane. Området som brenn er på storleik med ei fotballbane.
Det er gult farevarsel for lyng- og grasbrann i store delar av Vestland.