Әлмәт 46 шәһәрне берләштерәчәк
Нефтьчеләр төбәге янә беренче - быел да Россия кубогына ярышлар бездә уза.
Шушы атнада Әлмәттә теннис буенча Россия кубогына ярышлар башланды.
Әлеге зур вакыйга бездә инде сигезенче тапкыр уздырыла. Әйтергә кирәк, бу чарада Россиянең 46 шәһәре катнашачак. Барлыгы 154 кеше үзен сынап карарга теләк белдергән.
Турнирны оештыручылар сүзләренә караганда, Әлмәттә четерекле бу спортның үсүе, алга китүе өчен барлык мөмкинлекләр дә бар. Әлмәттәге “Теннис-Сити” үзәге Татарстанда иң яхшылар рәтендә йөри.
Турнир февраль азагына кадәр дәвам итәчәк.