40 яшьлек ирнең гомере подъездда өзелгән
Аны икенче катның баскыч мәйданчыгында күреп алалар.
Казанның Киров районындагы бер торак йортыннан табылган ир-ат шушы йортта яшәгән булып чыга. Фатирына менеп җитәргә нибары бер кат калган булган. 40 яшьлек ир-атның тәнендә кыйнаган-суккан ише билгеләр табылмаган. Хәзер аны үлемгә китергән сәбәпләр экспертиза ярдәмендә ачыклана.