БДИны ел дәвамында тапшырырга мөмкин булачак
РФ төбәкләрендә чыгарылыш укучылары ел дәвамында БДИны тапшыра алсыннар өчен үзәкләр челтәре булдырылачак.
Бу укучыларда имтиханны бер генә тапкыр тапшыру мөмкинлеген аңлау белән бәйле стрессны киметү өчен эшләнә. Моннан тыш, БДИны берничә тапкыр тапшырып карау чыгарылыш укучыларына үз көчләренә бәя бирү мөмкинлеге дә тудыра. Шул ук вакытта башка еллар чыгарылыш укучылары да имтихан тапшыру мөмкинлеге алачак. Беренче үзәкләр ноябрь-декабрьдә барлыкка килер дип планлаштырыла.