Әлмәттә юл-транспорт вакыйгасында өч кеше тән җәрәхәтләре алды
ЮХИДИ бүлеге хәбәр итүенчә, калабызның Колхоз урамында “Газель” автомобиле шоферы Сарман ягына барганда тизлекне арттыра һәм алда баручы “Лада Гранта” автомобиленә килеп бәрелә.
Шофер алкогольле эчемлек кулланган килеш руль артына утырган булып чыга. Әмма ул медицина тикшерүе узудан баш тарта. Моның өчен аңа карата административ материал төзелә. Авария нәтиҗәсендә “Лада Гранта” шоферы һәм салондагы ике хатын-кыз тән җәрәхәтләре ала.