Зәйдә көзге ярминкәләр старт алды

Бу шимбәдә Зәйдә җәйге ярминкәләргә традицион көзге ярминкәләр тоташып китте.  Шул рәвешле, шәһәрнең үзәк мәйданында  һәр шимбәдә халыкка җиләк-җимеш һәм яшелчә белән бергә ит-сөт ризыклары алу мөмкинлеге дә тудырылды. Бу атнада ярминкәдә дунгыз ите сатучылар  - дүрт, сыер ите сатучылар биш ноктада сату итте. Ярминкәләр язга кадәр дәвам итәчәк.