Тагын бер ир-атта түләмә чире шикләнелә
Мәгълүм булганча, июль ахырында Кукмара районы Өлге авылында яшәүче бер ир-ат көтүдән авырып кайткан танасын суйганнан соң берничә көн узгач хәле авыраеп, шифаханәгә бара.
Тикшерүләр аның түләмә чирен йоктырганлыгын күрсәтә. Менә хәзер янәдән Кукмара районында яшәүче тагын бер ир-ат түләмә чирен йоктырган дип фаразлана. Хәзерге вакытта ул республика клиник йогышлы авырулар сырхауханәсендә тикшерү уза.