Әлмәткә кайтучы ир-атта гашиш табылган
Узган атнада законсыз әйләнештән 6,16 грамм гашиш, 6 граммнан артык синтетик наркотик матдә һәм 140 грамм мәк саламы алынган.
Татарстан Эчке эшләр министрлыгының матбугат хезмәте хәбәр итүенчә, Казанның ЮХИДИ хезмәткәрләре “Лаеш” контроль пунктында Әлмәткә баручы “Хундай” автобусына утырган 28 яшьлек ир-аттан 3,7 грамм гашиш тапкан. Әлеге очрак буенча җинаять эше кузгатылган.