Яңа объектта өмә гөрли
Район эчке эшләр бүлеге тиздән яңа бинага күчәчәк.
Ике зур бина һәм гаражлардан торган объектта төзүчеләр соңгы эшләрне башкаралар. Ә тирә-юнендә төзекләндерү, яшелләндерү эшләре алып барыла. Яңа корылма шактый мәйданны били. Файдалануга тапшырыласы объектта төгәллисе эшләр дә бихисап. Шуңа соңгы вакытта биредә көн саен диярлек өмә – район оешмаларыннан, учреждениеләреннән эшче көчләр ярдәмгә килә. Яшелләндерү, бизәү эшләрен башкару өчен көннәре дә бик аяз, матур тора.