Әлмәт кибетендә медицина спирты тутырылган флаконнарны алкогольле эчемлек дип сатканнар
Дәүләт алкоголь инспекциясенең территориаль бүлеге матбугат хезмәте хәбәр итүенчә, Шевченко урамында урнашкан “Итиль” кибетендә 95 процентлы этил спирты эремәсен сатканнар.
Әлеге микробка каршы һәм авыртуны баса торган сыеклыкны эчәргә ярамый, аны бары тик авырткан урынга сөртәләр генә. Полиция биредә кешеләргә алкоголь буларак әлеге эчемлекне сатуларын ачыклады. Аны куллану, белгәнебезчә, организм функцияләренең бозылуына китерә. Мондый продукция саткан өчен товарларны конфискацияләп, 10 меңнән 300 мең сумга кадәр штраф каралган.