Әлмәт районы чигендә авариядә “Ак Барс” банкы Бөгелмә филиалы директорының гомере өзелгән
Авариягә кадәр бер көн элек кенә аның көтеп алган улы туган булган.
Юл-транспорт вакыйгасы 24 сентябрьдә була. ЮХИДИ хезмәткәрләре биргән мәгълүматларга караганда, чит ил машинасы олы юлга чыкканда “Нива” машинасына юл бирми. Бәрелешү нәтиҗәсендә чит ил машинасын йөртүче һәм бер пассажир үлә, “Нива” машинасын йөртүчене шифаханәгә озаталар. Үлүчеләр арасында “Ак Барс” банкының Бөгелмә филиалы директоры Михаил Зозуля да була. Аның белән бүген, 27 сентябрьдә хушлаштылар.