Спайс белән агуланучылар Татарстанда да күзәтелә
Түбән Камада шифаханәгә эләккән кызның спайс белән агуланган булуы ихтимал.
Соңгы араларда Кировта һәм Сургутта спайс белән күпләп агулану очраклары күзәтелде. Араларында үлүчеләр дә юк түгел. Түбән Кама көллиятендә укучы кызны да узган җомга көнне аңсыз хәлдә шифаханәгә китерәләр. Кыз дәрес вакытында үзен начар хис итә башлый. «Ашыгыч ярдәм» табибы сүзләренә караганда, моннан алдарак тагын дүрт яшүсмер дә шундый ук симптомнар белән шифаханәгә эләккән. Иң кечесенә 13 яшь.