«Газель» барган җирдән пассажирлар егылып төшкән
Түбән Камада «Газель»нең барган җиреннән арткы ишеге ачылып китеп, 24 яшьлек хатын-кыз төшеп киткән, төшкәндә ике яшьлек баласына тотынып калырга ниятләп, аны да тартып төшергән.
Юл-транспорт вакыйгасы булган вакытта салонда 22 кеше бара торган булган. Хәрәкәт вакытында арткы ишек үзеннән-үзе ачылып киткән. Зыян күрүчеләргә медицина ярдәме күрсәтелгән.