Әлмәттә «Лада Калина» пассажиры синтетик наркотик белән тоткарланган
29 сентябрьдә кичке сәгать бишләрдә полиция хезмәткәрләре шәһәребезнең Җәлил урамында «Лада Калина» автомобиле пассажирыннан 1,15 грамм синтетик наркотик табып алалар.
1983 елгы әлеге адәм беркайда да эшләми, элек хөкем ителгән булган. Кичә республика буенча наркотик белән эләгүчеләр саны 8 кеше булган. Алардан 3,142 грамм синтетик наркотик һәм 247,2 грамм марихуана табып алынган.