20 шықәса раԥхьа Москва, Вахтангов ихьӡ зху атеатр аҟны имҩаԥган Фазиль Искандер 70 шықәса ихыҵра иазкыз ахәылԥаз. Уи иалахәыз, иахьа агазеҭ "Аԥсуа университет" редактор хадас иамоу апоет Алхас Чхамалиа еиҭеиҳәеит усҟан Москваҟа рцара шыҟалаз.
Аҳәынҭқарратә бызшәатә политиказы Аԥсны аҳәынҭқарратә еилакы ахантәаҩы ихаҭыԥуаҩ Тамила Арышԥҳа Sputnik иалҭаз аинтервиу аҟны илҳәеит ахәыҷқәа аԥсуа абызшәа дырҵара, агәыбылра дыркра иадҳәалоу апроектқәа рацәаны ишрымоу, аха аԥара аҟамзаара иахҟьаны урҭ рахьынтә иахьа аус зуа шмаҷу.
Хәажәкыра 3 - ахәыҷтәы телехәаԥшра иамшны иԥхьаӡоуп. Абри инадҳәаланы шәаԥхьарц ишәыдаагалоит иахьа аԥсуа хәыҷқәа рааӡараҿы ателехәаԥшра ныррас иамоу иазкны Sputnik аколумнист Аинар Ҷыҭанаа иазирхиаз астатиа.
Ҩажәа шықәса инарзынаԥшуа Ҭырқәтәыла Аԥсны ахаҭарнакс иҟаз Владимир Аҩӡба арадио Sputnik Аԥсны иаиҭаз аинтервиу аҿы иҳәеит Ҭырқәтәыла иҟоу Аԥсны ахаҭарнакра аԥеиԥш ду амоуп ҳәа.
Хәажәкыра 3 инаркны ақьырсиан динхаҵаҩцәа зегьы рзы иалагоит ачгара ду. Аҧсуаа рытрадициаҟны ишаҧу ала, ачгара ианалаго инаркны ихацыркхоит Аиҭар-Бжьеиҭар иаҵанакуа аныҳәарақәагьы. Кәацла-бысҭала ҳәа иҟарҵо раҧхьатәи аишәаргылара атәы Есма Ҭодуа лматериал аҟны.
1955 шықәса хәажәкыра 3 рзы иҭыҵит ажурнал "Алашара" раԥхьаӡатәи аномер. Ажурнал аиреи ашьақәгылашьеи, иахьатәи аԥсҭазаареи дырзааҭгылоит уи аредактор хада Анатоли Лагәлаа. Аиҿцәажәара мҩаԥылгеит Сырма Ашәԥҳа.
Бзиа изымбода аҟаб, аиҳарак аӡынра?! Ижәны, мамзар афрын аҟны иӡны, афҩы хааӡа иануаҳалак хымԥада ухнахуеит. Аха аҟаб иалхны еиуеиԥшым ахаа-мыхаақәа Аԥсны имаҷны иҟарҵоит, уи иазҟазоу аиҳарак аҳәаанырцәтәи ҳџьынџьуаа роуп. Аҟаб аҟаҵашьақәеи, иалырхуа афатәқәеи ртәы ҳзеиҭалҳәеит Ҭырқәтәыла аԥсуа қыҭа Калдахәара инхо Фиқреҭ Чкәакәԥҳа.