Новости за 08.12.2019

Жәларбжьаратәи аинформациатә агентра Sputnik Аԥсны раԥхьаӡа акәны онлаин ахь ицәырҵит ԥхынҷкәын 8, 2014 шықәсазы. Сынтәа уи иазгәанаҭоит раԥхьатәи аиубилеи – хәышықәса ахыҵра.

Аинформациатә маҵзура Sputnik Аԥсны аусура иалагеит ԥхынҷкәын 8, 2014 шықәса рзы. Хәышықәса рыҩнуҵҟа апортали арадиои Sputnik ареспубликатә хҭысқәа реиԥш, аҳәаанырцәтәи ажәабжьқәагьы еиҭанаҳәоит.

Аԥсуа драматә театр актиор, арежиссиор Гәдиса Ҭодуа арадио Sputnik Аԥсны аефир аҿы еиҭеиҳәеит сынтәа Ашықәс ҿыц азы ахәыҷқәа ирыдыргало ақәыргыламҭа атәы.

Sputnik Аԥсны ишәыднагалоит хәышықәса рыҩнуҵҟа уи аусура аҳәаақәа ирҭагӡаны ирымаз аихьӡарақәа рарбагақәа.

Аексперименталтә патологиеи амедицинеи рыҭҵаарадырратә институт аусзуҩы Альдона Салаҟаиаԥҳа арадио Sputnik Аԥсны аефир аҿы еиҭалҳәеит афымцалашара аҟамзаара амаамынқәа ишырныԥшуа.

2014 шықәсазы Аинформациатә маҵзура Sputnik Аԥсны ахь аусура ааԥхьара ансоу, сыгәгьы иҭамызт сматериалқәа алыхәҭа икылхны ирышьҭлоит ҳәа. Усҟантәи аамҭазы аԥсуа журналистцәа рзы иҿыцыз акьыԥхьтә хырхарҭа аҽақәыршәара мариамхеит, иара иахьагьы исҵаша рацәоуп.

Д. Гәлиа иҩны-амузеи аусзуҩы Елла Ҭаниаԥҳа арадио Sputnik Аԥсны аефир аҿы еиҭалҳәеит аԥсуа литература ашьаҭаркҩы иуапа аҭоурых.

"Игәаӷьыуацәоу атемақәа рылацәажәара сылнаршоит", - абас лҳәоит ҳколумнист, арадиодырраҭара "Коӷониаԥҳа лымҩаду" амҩаԥгаҩ Елеонора Коӷониаԥҳа Sputnik Аԥсны дахцәажәо. Агентра 5 шықәса ахыҵра амш азы лара дазааҭгылоит ара аусура дшалагази уи илынаҭо алшарақәеи ртәы.

Аҩнуҵҟатәи аусқәа аминистрра аамҭак азы иахагылаз Аслан Кобахьиа арадио Sputnik Аԥсны аефир аҿы "Еиҿкааралатәи ацәгьоуразы" азакәан адкыларазы игәаанагара иҳәеит.

Sputnik Аԥсны адунеи амедиатә еилазаараҿы ахатә ҭыԥ ннакыланы иҟоуп. Иалшахьеит аџьшьарақәа роура. Амаҵзура анапхгареи аусзуҩцәеи рҳәоуеиқәшәареи ражәеиқәшәареи уи аҭагылазаашьа ԥхьаҟагьы иарҿиалоит.