Аҵыхәтәантәи амшқәа рзы ҳуаажәларраҿы аҭыӡшәа злыҵыз ақырҭуа политикатә хаҿқәа ахада ицхырааҩ ибзоурала Аԥсныҟа маӡала иааргаз аныхачаԥа иадҳәалаз ахҭысқәа ахҳәаа рылҭоит Sputnik аколумнист Елеонора Коӷониаԥҳа.
Аԥсны акоронавирус зыхьхьоу рхыԥхьаӡара иахьатәи аамҭазы 516-ҩык ыҟоуп. Урҭ рахьтә 157-ҩык ргәы бзиахеит, хәҩык рыԥсҭазаара иалҵит.
Аԥснытәи аҳәынҭқарратә музеи ажәытәӡатәии абжьаратәии шәышықәсақәа рыҟәша аиҳабы Диана Ахԥҳа арадио Sputnik аефир аҿы еиҭалҳәеит Аҷандара ақыҭан иԥшааз аџьаз иалхыз аиха аҭоурых.
Ашьха ҳаракыра Пыв иахьаҵанакуа 50 шықәса раахижьҭеи зырахә хазгало, уа атәарҭа змоу, ахш-хырҵә аҭыԥан иҟазҵо Иван Оҭырба иашьцәеи иареи шьхацан рыбзазашьа атәы ҳзеиҭалҳәоит уи зыблала иаҭааны избаз Sputnik акорреспондент Наала Гәымԥҳа.
Б. Шьынқәба ихьӡ зху Аҟәатәи актәи абжьаратә школ адиректор Нонна Делԥҳа арадио Sputnik аефир аҿы илҳәеит аҵаҩцәа рыбжьара акоронавирус зыдбалаз ахәыҷы дшалкаахаз, насгьы уи ашьҭахь имҩаԥгаз аусурақәа ртәы.
Апроект "Алашара ҳзырбо ауаа" иацҵауа, ашәҟәыҩҩы Анатоли Лагәлаа дазааҭгылоит аԥсуа доуҳатә феномен Аԥсны аҳәаақәа рҭыгара илшеит ҳәа ззиҳәо апоет, апублицист Даур Занҭариа иҟазареи, иара убас иара ирҿиаратә мҩаҿы иҟаиҵаз анырреи ртәы.
Аԥсны еицырдыруа ажурналист Артиом Амқәаб диижьҭеи 110 шықәса ахыҵра инамаданы ажурналист Владимир Аҳашба авторс дызмоу ашәҟы "Артиом Амқәаб иԥсҭазаареи ирҿиамҭақәеи" акьыԥхь абеит. Уи шыҟалаз атәы Владимир Аҳашба арадио Sputnik аефир аҿы еиҭеиҳәеит.
Мызкы инацны иҵуеит Гагра ақалақь акурорттә сезон иалагеижьҭеи. Уажәшьҭа аԥхынрагьы ииасит, аха асасцәа рхыԥхьаӡара улаԥш аҟны еиҵахом лҳәеит Sputnik акорреспондент Саида Жьиԥҳа. Лара аԥсшьара аамҭа шымҩасуа иазкны иҟалҵаз згәаҭарақәак шәрыԥхьа иазлырхиаз анҵамҭаҿы.