Кадыров Хас-Мохьмад даржехь чIагIвина Кадыров Рамзана

Бутт гергга хан хьалха Нохчийчоьнан чоьхьарчу гIуллакхийн министраллан Соьлж-ГIаларчу полисхойн урхаллан ханна декхарш кхочушдан хIоттийначу Кадыров Хас-Мохьмадан хIинцале а полицин лахара лейтенант чин ду. Чоьхьарчу гIуллакхийн миниcтраллан официалан сайтехь бу и хаам.


Оцу хаамаша гойту Кадыровн куьйгакIел масех полковник а, подполковник а, майор а, капитан а, кхин а полицин лаккхарчу даржашкара нах хилар.


Соьлж-ГIалин полисхойн хьалхо хьаькам лаьттина Висмурадов Абушайх полковникан даржехь вара.


Кхааридийнахь керлачу даржехь чIагIвинчу Кадыров Хас-Мохьмада ехха кхеташо дIаяьхьира, яздо "Фонтанкас".


Керлачу хьаькаман маса шо ду хаа гIоьртира "Фонтанка", амма полисхойн декъехь шайна ца хаьа, я и таллархьама телефонаш еттарх вукхо схьа а ца оьцу элира. Инстаграмерчу шен агIонтIехь мехкан куьйгалхочо Кадыров Рамзана бина хаам, кху беттан 18-чохь белхахошна керла куьйгалхо вовзийтина хиларх. Кадыров Хас-Мохьмад тIахъаьлла, къахьоьгуш куьйгалхо ву аьлла Кадыров Рамзана.


"ХIинццалц шех тешийначу даржашкахь а дикачу агIор гайтина цо ша", яздо Кадыровс.