Титиев лоцуш гина тешаш лоьху бакъонашларъярхоша

“Мемориалан” Нохчийчуьрчу декъан куьйгалхо Титиев Оюб лоцуш гина нах лоьхуш бу Оьрсийчуьра бакъонашларъярхой. Социалан машанашкахь леррина кхайкхам баржийна цара.


Масала, евзаш йолчу бакъонашларъярхочо Ганнушкина Cветланас цуьнах лаьцна пост хIоттийна шен Facebook-рчу агIона тIехь.


“Тхуна оьшу, Дечкен-беттан 9-чу дийнахь Оюб шозза дIалоцуш гина болу тешаш. Ца оьшу хIинца яздан ирс дайначу къомах а, Кадыровх а, Путинах а. Тхуна оьшург ю Куршлойн-эвлара Майртупа кхаччалц болу некъ я Куршлойн-эвлара полицин (ОМВД) гIишло - 8 сахь 30 минот яьллачул тIаьхьа 13 сахьт даллалц. Дехар ду, хьовсийша шайн видеорегистратаршкахь йолчу видеошка. Нагахь цу хенан юькъана цу тIехь гуш номер С 486 РС 95 йолу ВАЗ 111930 LADA KALINA машен хилахь, иза тхоьга схьалахьара аш”, - яздина Ганнушкинас.


Шайна накъосталла динчу нехан цIерш хьулйийр ю, Iедалшна цкъа а йовзуьйтур яц шаьш боху бакъонашларъярхоша.