Нохчийчу кхаьчна "Делимобил"

ХIора минотех мах а луш, шен гIуллакхе ваха-ван машен оьцуш сервис схьайиллина Соьлж-ГIалахь шинарийдийнахь. Иза схьайоьллуш Нохчийчура Iедалан дай а, лаккхара хьакамаш а хилла баьхкина. "Делимобил" цIе йолчу оцу проектан кхечарца дуьстича башхалла ю, ахь и машен лелочу хIора минотехь бен ахча дала дезаш цахилар а, машен муьлххачу меттигехь а схьаэца йиш йолуш хилар а.


Махкарчу Iедална мехал хета каршеринг Нохчийчохь гучуялар, хIунда аьлча, уьш тешна бу оцу проекто дуккха а белхан меттигаш латтор хиларх а бахархошна, ишта туристашна а пайден хирг хиларх.


Уфахь, Лахарчу Новгородехь, Екатеринбургехь а санна, Соьлж-ГIалахь а 50 машенах лаьтташ хир ю "Делимобилан" автопарк. Мехаш цхьатерра хир ду хIора а регионехь. Минотехь машен лелоран мах хир бу 7 сом.